Blatche dili moduwa isip PBA import
CEBU, Philippines — Andam ang PBA nga motabang sa Gilas Pilipinas sa ilang preparasyon sa World Cup, apan gisalikway nila ang sugyot nga paduwaon isip PBA import si Andray Blatche uban sa NLEX Road Warriors ni coach Yeng Guiao.
Si PBA board chairman Ricky Vargas miingon nga lisud kini tungod kay lapas sa 6-foot-10 height limit si Blatche nga maoy kinahanglan aron makaduwa sa PBA Commissioner's Cup.
Dili makiangayon alang sa ubang koponan nga moduwa si Blatche sa NLEX tungod sa abilidad niini.
Wala ra hinuon misupak niini si Guiao ug nakasabot siya sa sentimento sa PBA.
Si Blatche padayong moduwa sa China isip import, apan mipasalig kini nga moapil sa training camp sa Gilas kun sugdan na kini alang sa World Cup sa Agosto ning tuiga.
- Latest