Fury moaway sa di pa ang rematch nilang Deontay Wilder
CEBU, Philippines — Si Tyson Fury mipahibalo sa World Boxing Council nga nagplano siya nga moaway batok sa wala pa hinganling kontra sa dili pa ang rematch nilang heavyweight champion Deontay Wilder.
Mismo ang WBC ang mikompirmar niini uban ang pagpadayag nga gipindotan na sila sa kampo ni Fury sa buot niining pagabuhaton sa dili pa mokatkat og balik sa ring aron sangkaon og usab si Wilder.
Nagtabla sila si Wilder ug Fury atol sa una nilang engkuwentro niadtong Disyembre 1 sa miaging tuig didto sa Staples Center sa Los Angeles, California.
Sa sayo pa, ang WBC mihatag nang daan og pagtugot sa rematch tali sa duha ka banggiitang mga boksidor.
Sa iyang bahin, si Wilder nagkanayon nga andam siyang makigbinukbukay og balik ni Fury sa labing dali nga panahon.
- Latest
