Embiid mapalta'g duwa sud usa ka semana
CEBU, Philippines — Dili makaduwa sud sa usa ka semana ang bitoon sa Philadelphia 76ers nga si Joel Embiid gumikan kay nayayay ang walang tuhod niini.
Gipahibalo hinuon sa 76ers nga human sa eksaminasyon, nasuta nga dili seryoso ang injury sa 24-anyos nga si Embiid ug nanginahanglan lamang kini og pipila ka adlaw nga physical therapy.
Mismo si Philadelphia coach Brett Brown ang mipadayag nga dili angayan nga ikabalaka sa ilang kampo ang nahitabo ni Embiid bisan pa man og aduna kini kasaysayan sa injury.
Kahinumduman, nga nadelatar og duha ka season ang pagsugod sa karera sa NBA ni Embiid. Sa una niyang kampanya, nakapalta siya og 51 ka duwa gumikan sa serye sa mga injury.
"This is an NBA athlete that has some soreness in a knee, that has had an MRI, and we all should move on," matud pa ni Brown. "We'll miss him, obviously, playing-wise, but it's not anything that isn't completely pointed toward keeping him ready, and especially keeping him ready when it matters most at the end of the year."
Ang 76ers nga ikalima karon sa Eastern Conference, gikatakda nga makigharong sa Miami Heat karong adlawa.
- Latest
