SEAG venues tapos sa October
MANILA, Philippines — Tatapusin ng maaga ng developer na MTD Philippines at project partner na Bases Conversion and Development Authority (BCDA) ang mga itinatayong pasilidad para sa 30th Southeast Asian Games na nakatakda sa Nov. 30 hanggang Dec. 11.
Siyam na buwan bago ang SEA Games, 53% na ang natatapos sa modernong 20,000-seater na Atletics Stadium, Athletes Village, Aquatics Center at 1.4 kilometer park na bahagi ng Phase 1A ng New Clark City Government Administrative Center (NGAC).
“Internally sa amin August 31 for everything, including the athletes’ housing and government residences. And our deliverable natin sa BCDA at October 30, so may safety net na two months,” sabi ni MTD Philippines Project Director Rear Adm. Miguel Rodriguez sa special na Philippine Sportswriters Association (PSA) Forum na ginawa sa Mimosa sa Clark noong Martes.
Kasama ni David na humarap sa media si Arrey Perez, BCDA vice president for business development and Deputy Director General of the Philippine Southeast Asian Games Organizing Committee (PHISGOC) na nagbigay ng kasiguruhan na matatapos ang lahat ng construction kahit na lumiit sa P5.5 bilyon ang budget mula sa dating P7.5 bilyon.
Sa 56 sports maglalaban-laban ang tinatayang 10,000 athletes mula sa 11-bansa.
- Latest