Homecourt advantage dili mosalir
CEBU, Philippines – Alang sa Gilas Pilipinas, dili makaapekto ang 'homecourt' advantage sa Qatar kay komportabli sila nga moduwa sa korte sa ilang kontra sa final leg sa FIBA World Cup qualifiers ugmang adlawa didto sa Doha, Qatar.
Ang Gilas mipahigayon og team practice sa unang higayon didto sa Al-Gharafa Sports Club Multi-Purpose Hall sa Qatar diin gikauban nila og balik si Andray Blatche.
Atol sa maong praktis si Blatche mipaulan dayon og mga tres ug mao unya kini ang usa sa mga problema sa Qatar.
Ang Gilas nga moduwa batok sa Qatar naglakip nila ni Jayson Castro, Gabe Norwood, Troy Rosario, Japeth Aguilar, Marcio Lassiter, Scottie Thompson, June Mar Fajardo, Poy Erram, Thirdy Ravena ug Raymond Almazan.
Gatosan ka Pinoy OFW ang gilauman nga motan-aw ug moabiba sa duwa sa Gilas Pilipinas.
- Latest
