CEPCA monthly tourney gitakda
CEBU, Philippines – Ang Cebu Executives and Professionals Chess Association (CEPCA) monthly qualifying tournament ning tuig 2019 mosikad pinaagi sa hiniusang Enero ug Pebrero nga edisyon karong Domingo diha sa The Barracks Chess Club sa Robinsons Galleria Cebu.
Gawas sa mga regular nga miyembro sa CEPCA, makaapil sab ning 5-round Swiss system competition ang mga babaye ug batan-ong mga players.
Sa tinguha nga parehason ang tapad, si Jun Olis sa CEPCA nagkanayon nga ilang gamiton ang handicapping time control format ning higayona.
Ang mga Class A players o kadtong dunay NCFP (National Chess Federation of the Philippines) rating nga 2000-pataas hatagan lamang og tres minutos, samtang ang mga Class B players o kadtong dunay NCFP rating nga 1999 paubos hatagan og 15 minutos pagtapos sa usa ka duwa.
- Latest
