Playoffs tuyo ni wade katapusan niyang season sa NBA

CEBU, Philippines – Nahimong emosyonal si three-time NBA champion Dwyane Wade sa katapusang duwa niya sa All-Star Game diin midaog sila sa Team LeBron batok sa Team Giannis, 178-164  niadtong Lunes didto sa Charlotte, North Carolina.

Ang 7-year veteran nga si Wade, kinsa nakahukom nga moretiro na human sa season miingon nga mas makompleto ang iyang pagpanamilit sa liga kun matabangan niya ang Miami Heat nga makasulod sa playoffs.

Ang Heat anaa karon sa ikawalong dapit sa   Eastern Conference  standing  uban sa Detroit Pistons sa ilang 26-30 nga baraha. Gusto ni Wade nga makahimo sila og winning-streak karon nga anaa na sa tunga-tungang bahin ang regular season paingon sa playoffs.

Sa iyang bahin, ang Fil-American coach sa Heat nga si Erik Spoelstra miingon nga bisan unsa ang mahitabo sa katapusang season niini sa liga, segurado na ang legasiya ni Wade isip usa sa mga labing maayong Heat player sa kasaysayan.