Alab import gisuspenso
CEBU, Philippines — Ang ABL mipahamtang og usa ka duwa nga suspensiyon ngadto ni Alab Pilipinas import PJ Ramos human magkainitay sa import sa China nga si Shawntez Paterzon aotl sa ilang duwa niadtong Sabado.
Ang 7-footer nga si Ramos gitawgan sa ikalima niyang technical fouls sa maong duwa, nagpasabot nga automatic suspension ang gisagpa kaniya basi sa lagda sa ABL.
Hinuon, si Alab coach Jimmy Alapag mireklamo tungod kay nakita niya nga dili iyang player ang mipasiugda sa maong tinubagay batok sa laing import.
Si Alapag wala mahimuot tungod kay ang pagkasuspenso ni Ramos itumong sa playoffs diin segurado na sila nga mosulod sa quarterfinals isip topseeded team.
"I need to clarify, to be sure. I hope because technicals can be very subjective to the referees and looking ahead to the playoffs, to the best-of-three, that can put a dent on what we're trying to do. So I'll make sure I clarify that soon," matud pa ni Alapag sa Spin.ph.
Ang Alab nagkupot og 15-3 win-loss record alang sa No. 1 seed, apan krusyal alang ni Alapag ang nahibiling walo ka duwa tungod kay gusto niya nga magpabilin sila sa top two spots hangtod sa playoffs.
Sunod sangkaon sa Alab ang Mono Vampire karong Sabado didto sa Thailand.
- Latest