Scratchers palaban sa D-League

MANILA, Philippines — Mapapalaban nang hus­to ang Foundation Cup titlist Go for Gold-College of Saint Benilde laban sa 19 pang koponang sasa­lang sa PBA D-League As­pirants’ Cup sa Ynares Sports Arena sa Pasig City.

Aminado si Go for Gold-CSB coach Charles Tiu na mas magi­ging mahi­rap ang pagdaraanan ng kan­yang bataan upang ma­kuha ang ikalawang ko­rona sa liga.

“It will be a tough climb for us to win the championship again,” sabi ni Tiu.

Nagkampeon ang Scratchers sa Foundation Cup na may anim na kopo­nan lamang na kalahok.

Sa pagkakataong ito, 20 tropa ang masisilayan sa aksyon sa torneong mag­sisimula bukas.

Hirap din ang Scrat­chers sa preparasyon dahil ilan sa kanilang mga man­la­laro ay may injury.

Gayunpaman, tiwala si Tiu sa kakayahan ng kanyang mga bataan na pa­ngu­ngunahan nina Benilde standout Justin Gutang at Fil-American Roosevelt Adams.