Romeo moduwa batok sa kanhi team TNT

CEBU, Philippines — Naalim na ang injury sa controversial star point guard sa San Miguel Beermen nga si Terrence Romeo ug giatngan kining moduwa batok sa kanhi niyang koponan nga TNT KaTropa sa PBA Philippine Cup karong adlawa.

Sa dili pa ang ilang duwa sa alas-6:30 sa gabii, magsangka una ang  Columbian Dyip ug NLEX Road Warriors sa alas-4:30 sa hapon.

Si Romeo napalta og duha ka duwa sa Beermen human siya na-injured sa opening game sa sayong bahin ning bulana, apan andam na siya nga mobalik og duwa bisan pa sa limitadong oras.

Ang TNT mi-trade ni Terrence ngadto sa San Miguel atol sa off-season.

Ang San Miguel tuyo nga moinat sa ilang record sa 3-1 nga mopahiluna kanila sa ikaduhang dapit sa standing sunod sa Phoenix Fuel Masters (3-0).

Nag-awas ang kompiyansa sa Beermen human sa  dominanteng nilang kadaogan batok sa Meralco  Bolts sa iskor nga 105-93 niadtong Biyernes.

Nanghinaut ang Beermen ga magpadayon ang ilang hait nga opensa sa pagpangulo nilang JuneMar Fajardo, Arwind Santos ug Christian Standhardinger.

Sa ilang bahin, gidawat ni coach Bong Ravena ang hagit batok sa powerhouse  nga Beermen ug magsandig kini  nilang   Cebuano RR Pogoy ug Kelly Williams