Dyip vs. Fuel Masters

CEBU, Philippines – Mihimo karon og kasikas ang Columbian Dyip human  midaog sa  batok San Miguel Beermen, 124-118 sa ilang unang duwa sa PBA Philippine Cup  niadtong  Biyernes.

Nasurprisa ang kadaghanan sa maong kadaogan kay ilang naligsan ang usa sa mga higanteng koponan sa PBA.

Karong adlawa, ang Columbian Dyip mopakita na sab og aksiyon sa dihang sangkaon ang wala pa'y pildeng Phoenix Fuel Masters sa alas-4:30 sa hapon didto sa Smart Araneta Coliseum.

Pangulohan kini ni   No.1 rookie nga si CJ Perez  

Gikan sa usa ka koponan nga kanunay'ng  mapilde, ang Columbian ni coach John Cardel mipakita og potensiyal nga mamahimong  playoff contender.

Bisan pa'g wala sila'y superstar, ang Dyip mipakita sa ilang katakus batok sa Beermen sa pagpangulo nila ni Perez, Jackson Corpuz ug Reden Celda.

Masukod pagbalik ang Dyip sa ilang sangka batok sa Phoenix nga maoy kasamtangang nagkupot sa unang dapit sa standing uban sa NorthPort Batang Pier sa ilang 2-0 records. 

Ang Fuel Masters bidahan nila ni Calvin Abueva, Alex Mallari ug Matthew Wright nga maoy mga magduduwa nga dako'g natabang sa ilang kadaogan batok NLEX Road Warriors ug TNT KaTropa.

Sa laing bahin,     aduna na gyu'y modaog   NLEX Road Warriors ug TNT KaTropa human sa ilang sangka sa main game sa alas-7 sa gabii.