Smart gipamulta'g $35k

CEBU, Philippines – Ang guwardiya sa Boston Celtics nga si Marcus Smart gipamulta og $35,000 (P1.75 million) sa NBA kagahapon  gumikan sa pipila niini ka pagsuway og hamag ni DeAndre Bembry sa Atlanta human siya ma-ejected atol sa ilang kadaogan batok sa Hawks niadtong Domingo.

Sila si Smart ug Bembry nagbinayloay og sakit nga mga pulong sa dihang miplastar sila alang sa usa ka jump ball sa ikatulong kuwarter ug kinahanglan pa nga uwangon sa ilang mga teammates ug coaches.

Apan si Smart nakaipsot dayong asdang niini ni Bembry sa wala pa siya mapugngi og usab. Si Smart gipagawas sa korte sa oras nga 4:25 sa ikatulong kuwarter human matawgi sa ikaduha niyang technical foul. Natawgan sab og technical si Bembry sa maong insidente.