Pinoy boxers pilde sa undercard
CEBU, Philippines — Nangaparot ang duha ka Filipino boxers nga miaway sa undercard sa Manny Pacquiao-Adrien Broner showdown kagahapon didto sa MGM Arena sa Las Vegas.
Ang taga-Davao nga si Jayar Inson nakarekober gikan sa duha ka knockdown sa first round, apan napilde gihapon pinaagi sa split decision sa Amerikano nga si Jonathan Steele. Isug nga nakigsinukliay si Inson, apan gilupig siya sa iskor sa mga judges, 77-74, 74-77, 73-78.
Wala usab gisuwerte si Rey Perez human siya gikulata sa Australian prospect ug sparmate ni Pacquiao nga si George Kambosos kinsa midaog pinaagi sa unanimous decision.
Kahinumduman, nga una lakip unta ang Cebuano nga si Jhack Tepora sa moaway sa undercard, apan pakyas siya pagdepensa sa iyang WBA featherweight title human wala siya kakuha sa timbang ug wala usab siya makaaway kagahapon. (BANAT NEWS)
- Latest