Katorse ka atleta sa Minglanilla pasidunggan

CEBU, Philippines – Katorse ka batang atleta sa lungsod sa Minglanilla ang pasidunggan human sila mihakot og bulawan sa taekwondo event   sa bag-o lang natapos nga Provincial Meet didto sa lungsod sa Carmen.

Si Concordio Mejias, municipal administrator sa lungsod sa Minglanilla nagkanayon nga dako nilang garbo sa nakuhang kalampusan sa ilang  kabataan sa Minglanilla.

Gani ang 14 ka bata nga nakakuha og gold  pulos gikan sa elementary division, samtang iya pang gipaabot ang sa sekondarya.

"Ako na lang ning paabuton ang sa secondary aron mapasidunggan unya basin pa nga matagaan og incentives," matud pa ni Mejias. 

Ang Minglanilla mikatkat sa ikapito gikan sa ika-11 nga luna sa overall standing.