NLEX, SBP mamarayeg sa FIBA alang ni Ravena
CEBU, Philippines – Mamarayeg na usab ang kadagkoan sa NLEX Road Warriors ngadto sa FIBA aron libkason na ang suspensiyon nga gipahamtang ngadto sa ilang star point guard Kiefer Ravena nga nasakpan nga migamit og illegal nga pampalagsik nga drogas.
Si NLEX team representative Ronald Dularte nagkanayon nga gitabangan sila sa Samahang Basketbol ng Pilipinas (SBP) sa paghangyo nga dili na lang ipatiwas ni Ravena ang nahibiling buwan niya nga suspensiyon sa FIBA tournaments ug sa PBA.
Si Ravena gipahamtangan og 18 ka buwan nga silot gikan sa Pebrero sa miaging tuig ngadto sa Agosto ning tuiga, apan mihangyo ang SBP nga paduwaon na si Ravena.
"If FIBA decides to cut Ravena’s suspension to one year, he would be available to play again on Feb. 24," matud pa ni Dularte sa Philstar.com.
Gipangusgan sab sa SBP nga maka-lingkawas na si Ravena sa taas niyang suspensyon aron makaduwa na kini og balik sa Gilas Pilipinas.
- Latest