Pamela Ruiz hara sa 'Tour Ni Frank'
CEBU, Philippines — Si Pamela Ruiz maoy milangkat sa women’s open title sa ika-17 nga edisyon sa Tour Ni Frank kagahapong adlawa nga nagsugod gikan sa lungsod sa Balamban ngadto sa Barangay Busay Dakbayan sa Sugbo agi sa Trans-Central Highway.
Gipilde ni Ruiz ang iya ra sab nga inahan nga si Lucille.
Gawas nga nakampiyon, si Pamela mao sab ang gibayaw nga "Queen of the Mountain" sa iyang dibisyon.
Ang mga kauban ni Pamela nga sila si Melvin Codoy, Dongkey Sanchez ug Emmanuel Pedrosa nalandig sab sa top 5 sa men's under-39. Si Codoy mipahiluna sa ikaduhang dapit, si Sanchez ikatulo ug si Pedrosa ikalima.
Si Alvin Dela Torre maoy naghari sa
under-39 ug ingon man mibira sa "King of the Mountain"
award.
Nagmalampuson sab silang Amon Espinosa (40-above) ug Ronnie Adlawan (50-above) gawas nga maoy giila nga "King of the Mountain" sa tagsa-tagsa nila ka mga kategoriya. (BANAT NEWS)
- Latest