12th Cebu City Marathon mosikad na sayo sa buntag
CEBU, Philippines — Kapin sa 4,000 ka runners gikan sa 32 ka nasud tibuok kalibotan ang motaak sa kadalanan sayo karong buntag alang sa 12th Cebu City Marathon nga magsugod ug mahuman diha sa Cebu Business Park.
Ang tinuig nga lumba nga giorganisar sa Cebu Executive Runners Club (CERC) naglangkob og tulo ka mga kategoriya – 5K, 21K ug 42K.
Bisan og ang mga numero mas gamay kay sa miaging edisyon nga nakahakot og record-breaking nga 5,000 ka partisipante, ang mga organizers mipadayag sa ilang kawsa alang sa usa ka dekalidad nga lumad mao nang ilang gilimitahan ang gidaghanon sa mga entrante ning tuiga.
Gawas sa mga pambato sa Sugbo ug out-of-towners, mga langyaw'ng runners gikan sa 32 ka nasud ang mosalmot sab sa labing dako nga marathon event sa Sugbo.
Gawas nga sab-itan og maanindot nga medalya, ang mga mananaog makadawat sab og ganting salapi.
- Latest