Duwa ni Blatche naulian, naghinam-hinam sa Gilas
CEBU, Philippines – Nakita nga nabalik na ang nindot nga duwa ni kanhi NBA center ug Gilas Pilipinas naturalized player Andray Blatche kinsa kasamtangan nga atoa sa China nga nagduwa.
Si Blatche kinsa gikuhang import sa Chinese Basketball Association miiskor og 21 puntos uban sa Tianjin nga midaog batok Sichuan. Sa wala pa kini, mirehistro usab siya og 22 puntos ug 11 ka rebounds alang sa iyang koponan nga midaog batok Nanjing.
Ang 6-foot-8 nga si Blatche miingon nga nagpanikad na siya nga moduwa pagbalik uban sa Gilas rason nga gipalambo niya iyang kondisyon.
“I’m arriving in Manila early February to meet our new coach and adjust to my new teammates and our new system,” matud pa ni Blatche sa The Philippine STAR.
- Latest