Pableo Eskrima, Filmocan mibayaw ni Huertas isip GM
CEBU, Philippines — Ang AFC (Amara Fighting Concept) World Pableo Eskrima ni SGM Percival Pableo ug Filmocan San Miguel Eskrima ni SGM Panto Cañete Flores mi-promote ni Norway-based Filipino martial artist Danilo 'Danny' Huertas ngadto sa usa ka Grandmaster sa usa ka yaho, apan halandumon nga seremonyas niadtong weekend didto sa AA's Barbecue sa A.S. Fortuna St., Mandaue City.
Gawas nga nakakuha sa iyang ranggo isip GM, si Huertas nakadawat sab sa iyang certificate of appointment isip European Director sa Filmocan San Miguel Eskrima.
"It is with great joy that we formally award to Danny Huertas this certificate for successfully completing the intensive training in AFC World Pableo Eskrima Evolution Martial Arts with proficiency and skill under all standards and guidelines set forth for the rank of Grandmaster," matud pa ni SGM Val Pableo, nga maoy nagtukod sa Pableo Eskrima niadtong 2015.
Gawas nilang SGMs Pableo ug Flores, mitambong sab sa maong kalihukan mao sila si GMs Gerardo Rusiana, Bonn Misa, Jefferson Gonzalez, John Mac, Billy Cerdon ug Fletcher Oinatil.
Sa iyang bahin, si Huertas nagkanayon nga dako niyang dungog ug garbo nga makadawat sa maong rekognisyon labi na kay iya kining gisakripisyohan ug gihagoan og maayo sud sa duha na ka dekada. (BANAT NEWS)
- Latest
