Romeo wala sa praktis sa Beermen
CEBU, Philippines — Pakyas si Terrence Romeo pagtuman sa iyang saad nga moapil na sa team practice sa San Miguel Beermen kagahapon.
Si Romeo bag-o lang gi-trade sa San Miguel gikan sa TNT KaTropa bugti nila ni David Semerad ug Brian Heruela
Usa sa rason nga gi-trade sa TNT si Romeo sa laing koponan mao ang kanunay niini pagkapalta sa training. Mipasalig si Romeo nga mopakita sa training kagahapon, apan walay bisan anino lang nga mipatim-aw.
Gipaabot nga moapil na sa team practice si Romeo karong adlawa.
Ang agent ni Romeo miingon nga seryoso ang pangandam ni Romeo sa iyang unang season uban sa San Miguel ug nagpagamay pa kini sa timbang sa gym aron mahimong epektibo uban sa bag-o niyang koponan.
Gawas ni Romeo, wala pa usab makatunga sa practice sa Beermen kagahapon ang Fil-German nga si Christian Standhardinger nga nibakasyon pa.
- Latest