Ancajas wala mipahuway sa iyang training
CEBU, Philippines — Gisaulog ni IBF super bantamweight champion Jerwin Ancajas iyang Pasko ug Bag-ong Tuig pinaagi sa subsob nga training didto sa iyang gym sa kaulohan.
Si Ancajas nga nakadepensa sa iyang bakus sa katulo ka higayon sa miaging tuig, nangandam samtang nagpaabot sa gihandum niyang 'unification fight' batok ni Thai superstar Srisaket Sor Rungvisai nga tentatibong gitakda sa bulan sa Abril.
Ang manager ni Ancajas nga si Sean Gibbons miingon nga padayon ang negosasyon alang sa bahinay sa kita tali sa duha ka kampo, apan salig siya nga mahingpit kini.
Isip usa sa mga sikat nga Pinoy boxing star, si Ancajas giparang na usab nila ni Mexican Juan Francisco Estrada ug Briton nga si Gamal Yafai. Apan ang ampay nga sangkaon ni Ancajas mao si Rungvisai tungod kay mas sikat kini human gipalagpot sa trono ang Nicaraguan superstar nga si Roman Gonzales sa miaging tuig.
Gawas sa Rungvisai showdown, posible usab nga sangkaon ni Ancajas sa sayong bahin ning tuiga ang No. 1 challenger nga si Ryuchi Funai sa Japan. (BANAT NEWS)
- Latest
