3,500 runners nagpalista sa CCM
CEBU, Philippines — Moabot na ngadto sa 3,500 ka mga runners ang nagparehistro alang sa 12th Cebu City Marathon sa Enero 13 sunod tuig diha sa Cebu Business Park.
Kini ang gikompirmar ni Kenneth Casquejo sa Cebu Executive Runners Club (CERC) kinsa miingon nga liboan pa ka mga runners ang gipaabot nga moapas pagpalista kung ablihan na nila ang registration alang sa 5K.
Unang gibuksan ang registration sa 42K ug 21K nga dali ra usab nga nahurut."The 42K and 21K slots are sold out. We will be opening slots for the 5K only during the Race Expo. This is to give way to a lot of visitors who would like join in the festive event which serve as the opening salvo of the Sinulog week," matud pa ni Casquejo.
Ang 5K buksan atol sa race expo nga mahitabo sa Enero 9 ug 12 didto sa Active Zone sa Ayala Center Cebu.
Gawas sa mga local runners, mipadayag na sa ilang interes ang gatusan ka mga out-of-town participants ug langyaw gikan sa 32 ka nasud gikan sa nagkadaiyang dapit sa kalibutan. (BANAT NEWS)
- Latest