Romeo wala gihapon miapil sa SMB practice
CEBU, Philippines — Hangtod karon, wala pa gihapon mipatim-aw sa team practice sa San Miguel Beermen ang bag-ong sakop nilang si Terrence Romeo.
Ang controversial star point guard gibuhian sa TNT KaTropa bugti sa duha ka SMB players atol sa usa ka 'trade' sayo ning buwana.
Usa sa mga rason nganong gibuhian si Romeo mao ang kanunay niyang pagpalta sa team practice.
Hinuon, ang mga kadagkoan sa Beermen miingon nga adunay balidong rason si Romeo nganong wala pa siya mipakita sa ensayo tungod kay migahin pa kini og panahon sa pagpalambo sa iyang kondisyon sa gym.
Si Beermen coach Leo Austria gipasaligan hinuon ni Romeo nga mupakita na sa sunod ensayo sa koponan sa unang semana sa Enero.
"Terrence has been busy getting back in shape, doing trainings two to three times a day," matud pa sa pamahayag sa San Miguel sa Spin.ph.
Gidugang ni Austria nga gikinahanglan na nila si Romeo sa team practice aron mahinay-hinay na og kuha sa point guard ang iyang sistema ug maandam kini alang sa pagbukas sa sunod season sa PBA sa Enero 13.
- Latest