Blatche moduwa pagbalik sa Gilas
CEBU, Philippines — Hayag na nga moduwa pagbalik sa Gilas Pilipinas ang naturalized center ug kanhi NBA cager nga si Andray Blatche atol sa katapusang leg sa FIBA World Cup qualifiers sa Pebrero sunod tuig.
Si Guiao hinay-hinay na nga miporma og lig-ong lineup sa national team nga pangulohan ni Blatche kinsa wala gipaduwa sa third leg diin napilde ang Gilas sa duha nila ka home game batok Kazakhstan ug Iran.
“Our priority is Andray Blatche, but we want him to come in early and come in shape. In the first place, it’s stipulated in his contract,” matud pa ni Guiao sa The Philippine STAR.“We’re in touch with his agent. But until such time that he comes in, we can rely only on the word of the agent. We want him early, so that if he’s not in shape, there’s still time to get him in shape.”
Nasayran nga miaksyon og pangluod si Blatche human wala giapil sa lineup sa national team nga miduwa sa miaging leg.
Si Guiao miingon nga si Blatche ang ilang kuhaon karon tungod kay krusyal ilang nahibiling duha ka duwa batok Kazakhstan ug Qatar nga pulos duwaon sa balwarte sa ilang kontra.
Gitug-an hinuon ni Guiao nga lihokon na sa Samahang Basketbol ng Pilipinas ang naturalization sa kanhi Best Import sa PBA nga si Justin Brownlee kinsa mipadayag sa daku niyang gusto nga moduwa alang sa nasud sa umaabot .
- Latest