De Guzman pumasok sa Top 20 ng Asian Continental
MANILA, Philippines — Umakyat na rin si Filipino IM Ricky De Guzman sa Top 20 matapos magwagi laban kay FIDE Master Yoseph Theolifus Taher ng Indonesia sa 7th Asian Continental Chess Championship (2nd Manny Pacquiao Cup) men’s division noong Linggo ng gabi sa Tiara Hotel sa Makati City.
Ang US-based na si De Guzman ay kasama na sa nine-player logjam sa 18th spot mula sa kanyang apat na puntos, mahigit 1.5 puntos ang agwat mula sa nangungunang sina GM Surya Ganguli ng India at GM M. Amin Tabatabei ng Iran na kapwa tangan ang 5.5 points.
Hindi rin nagpahuli si Pinoy GM John Paul Gomez at inilampaso ang kababayang si GM Joey Antonio sa seventh round upang makasama ni De Guzman sa 18th group.
Kailangan ni De Guzman na manalo kay IM Xu Yi ng China sa 8th round, habang si Gomez ay must-win situation din laban kay GM Ehsan Ghaem Maghami ng Iran sa 8th round upang makapasok sa Top 10.
Nasungkit din ni WGM Janelle Mae Frayna ang ikalawang panalo makaraang payukuin ang kababayang si FIDE Master na si Allaney Jia Doroy para manatiling buhay ang pag-asang makapasok sa top 10 sa women’s division.
Sa kanyang panalo, umangat si Frayna sa five-player logjam sa 12th spot sa kanyang apat na puntos.
Kailangan ng 22-anyos na si Frayna na manalo kay WFM Dita Karenza ng Indonesia sa 8th round para makasama sa top 10.
Ngunit, tiyak ang mainit na laban dahil galing din si Karenza sa panalo kay WFM Aashna Makhija ng India sa sixth round.
Nanatili naman sa liderato si IM Ruot Padmini ng India matapos magwagi kay IM Guo Qi ng China para masungkit ang pang-anim na puntos.
Nagsosyo sa ikalawang puwesto sina IM Pham Le Thao Nguyen.
- Latest
