Wizards milampurnas sa Lakers
CEBU, Philippines – Si John Wall mikamada og 40 puntos ug mipasa og 14 ka assists sa dihang ang Washington Wizards milampurnas ni LeBron James ug sa Los Angeles Lakers, 128-110 aron putlon ang upat ka sunod-sunod nilang pilde sa NBA kagahapon didto sa Capitol Arena sa Washington, DC.
Samtang mihimo og atensiyon si Wall, nahuyhoy ang mga abaga ni James kay nalimitahan lang siya ngadto sa 13 puntos human masipyat ka-16 sa 21 niya ka itsa.
Mikagar ang opensa ni James usa ka adlaw human siya ug si Lonzo Ball mirehistro og 'triple-double' sa ilang kadaogan batok sa Charlotte Hornets.
"We're a team that's built on energy and depth," matud pa ni James nga wala na miduwa sa katapusang kuwarter kay gilubong na man sila og maayo sa Wizards. "We didn't have either tonight." dugang pa ni James.
Gawas ni Wall, mipakita sab og nindot nga labok si Sam Dekker nga mirehistro og season-high 20 puntos, apil na ang iyang buzzer-beating shot pagkahuman sa ikatulong kuwarter nga nakahatag sa Wizards og 99-76 nga labaw.
- Latest