‘Five-peat’ gusto ni Baldwin na makuha ng Ateneo
MANILA, Philippines — Winalis ng Ateneo Blue Eagles ang University of the Philippines Fighting Maroons, 2-0, sa kanilang best-of-three championship series ng UAAP Season 82 para angkinin ang ikalawang sunod na titulo noong Miyerkules.
Ngunit hindi pa sapat ang back-to-back titles para kay Ateneo head coach Tab Baldwin.
Sinabi ni Baldwin na ang kanilang narating ay kapiraso lamang kung ikukumpara sa ‘five-peat’ na nakamit ng Blue Eagles mula 2008 hanggang 2012 sa panahon ni dating coach Norman Black.
“First of all, back-to-back doesn’t look so important when you put it next to five in a row. It looks like a little bump on the road compared to that mountain they did,” sabi ng New Zealander coach.
Hindi rin malayo na marating ni Baldwin ang nagawa ni Black dahil halos buo pa rin ang Blue Eagles sa susunod na taon sa pangunguna ni back-to-back Finals MVP Thirdy Ravena, Matt Nieto, Mike Nieto, Raffy Verano, Isaac Go, Gian Mamuyac, Jolo Mendoza at 2018 Rookie of the Year Angelo Kouame ng Ivoria.
“We want to pursue excellence and I guess, a championship is one measure of excellence. We hope that we continue to have more championships in the future,” dagdag pa ni Baldwin.
Nagpahayag din ng parehong hangarin ang 6-foot-10 na si Kouame dahil mayroon pa siyang natitirang apat na taon sa UAAP.
Samantala, kahit naman mawala sa kampo ng Fighting Maroons sina team captain Paul Desiderio, Diego Dario, JJ Española, Jarrell Lim at Gelo Vito sa susunod na season ay mananatiling strong contender pa rin ang Diliman-based team dahil sa pagpasok nina Ricci Rivero at Kobe Paras.
Mananatili pa rin sa Fighting Maroons sina Season MVP Bright Akhuetie, Juan Gomez de Liaño, Javi Gomez de Liaño, Will Gozum at Jun Manzo sa susunod na taon.
“It’s not about Ricci (Rivero), Kobe (Paras), or Juan (GDL) or Bright (Akhuetie). It’s about the team. They need to understand the goal of the team. It’s not about them, it’s about what you can do to help the team accomplish that goal,” pahayag ni UP coach Bo Perasol.
- Latest