Stallions nalata sa half baked
CEBU, Philippines — Mirehistro sa ilang ikaduhang daog ang Half Baked dihang gilat-an nila og maayo ang Stallions, 109-88 sa ilang duwa sa Sunday.com 5th Conference League 2018 niadtong Miyerkules sa gabii didto sa Benedicto gym sa A.S. Fortuna St., Mandaue City.
Balanse ang opensa sa Half Baked ug timaan niini mao nga unom sa ilang players ang miiskor og double figures.
Pagsugod pa lang, misduslit dayon ang Half Baked og nagbaga nilang opensa aron moposte og 31-20 nga labaw human sa maong kuwarter. Padayong nagdilaab ang kainit sa Half Baked dayon na paghaling og makabungog nga daog.
Sa laing bahin, ang 1Med midaog na gyud human ma-forfeit ang Uniform Solutions.
Ang liga nga gipasiugdahan nilang Tata Nadera ug Atty. Sally Malig-on, gipaluyohan sa VECO, Congressman Jonas C. Cortes, Yamaha DES Strong (Cambaro branch) pinaagi sa manager niining si Alfred Pasana, Marca Leon, Mr. and Mrs. Naig, Wendell Suico ug Alex Malakhooti.
PUNTOS MATAG USA
HALF BAKED (109) – Guillera 22, Martel 16, Monte 15, A. Cabahug 12, K. Cabahug 10, Sanchez 10, Cortes 8, Vergaser 6, Fortich 5, Soon 3, Sampang 2.
STALLIONS (88) – Gatuangco 20, Tagines 17, Aparri 12, Antoliaga 9, Cabarrubias 8, D. Galban 6, N. Galban 5, Malajos 4, Contorno 4, Ladonga 3.
- Latest
