Charity Fun Run maoy mosikad sa UV Centennial celebration
CEBU, Philippines — Ang tibuok tuig nga Centennial Celebration sa University of the Visayas (UV) mosikad pinaagi sa usa ka fun run for a cause sa Enero 12 sunod tuig.
Mao kini ang gipahibalo ni UV President Eduardo 'Eddiegul' R. Gullas ug igsuon nga si UV Executive Vice President Jose 'Dodong' R. Gullas atol sa pormal nga paglusad sa UV 100 Year Founding Anniversary kagahapon diha sa UV main campus.
Uban ang tema nga "UV: A Century of Love and Service to Humanity", ang running event magsilbe nga usa ka dakong opening event diin kapin sa 5,000 ka runners ang managan.
Ang lumba naglangkob sa 3K, 5K ug 10K categories.
"Why running? We have a lot of activities ahead and we want to start with something that would energize us," matud pa ni UV Athletic Director Cris Mejarito. "This fun run is open to all. We are inviting everyone to join because this is for the Cebuano community."
"Proceeds of the Centennial Run will go to our adopted barangay under our community extension program especially in providing scholarships to poor but deserving students," sumala pa ni Atty. Darling Chyrmyth Wagas, ang co-chairperson sa UV Centennial Celebration.
Gawas sa medalya ug sertipiko, mokabat og kapin sa P70,000 nga ganting salapi ang gitagana alang sa mga mananaog.
Sa mga interesadong mosalmot, ang registration fee nagkantidad og P250 sa 3K, P350 sa 5K ug P450 sa 10K libre na niini ang singlets, race bibs, refreshments ug freebies.
- Latest