Gilas pilde na sab
CEBU, Philippines – Nipis na lang kaayo ang kahigayonan sa Gilas Pilipinas nga makakuha og luna sa 2019 FIBA World Cup human mapilde ngadto sa Iran, 70-78 niadtong Lunes sa didto sa MOA Arena.
Kini ang ikaduhang sagunson nga pilde sa Gilas sa ilang korte. Unang nakapilde nila mao ang Kazakhstan, 88-92 niadtong Biyernes. Gumikan niini, ang Gilas nalabay karon sa ikaupat nga dapit sa standing sunod sa Japan, Iran ug Australia.
Usa na lang ka luna ang nahibilin sa Asian Zone. Kay nakabahin na man sa luna ang Australia, South Korea ug New Zealand. Ang China awtomatik nga misulod sa World Cup tungod kay sila ang host.
Batok sa Iran, ang Gilas sa pagpangulo nilang Jayson Castro ug Christian Standhardinger milabaw og 10 puntos sa nahibiling uno minuto sa duwa, apan wala sila makalahutay dihang mihimo og 9-0 scoring rally ang Iran nga midaog bisan pa og wala ang duha nila ka mga stars nga sila si Hamed Haddadi ug Nika Bahrami.
Ang Gilas aduna pa'y duwa batok sa Qatar ug Kazakhstan, apan adto kini duwaon sa balwarte sa ilang mga kontra.
- Latest