Enoverso giilang 'Bowler of The Year'
CEBU, Philippines — Daw sa gituyok og balik ni Dory Enoverso ang orasan sa dihang siya ang gikoronahang 2018 BTA-Prima Bowler of the Year niadtong Domingo sa gabii didto sa Gaisano Bowlingplex sa Barangay Banilad, Dakbayan sa Sugbo.
Ang 75-anyos nga si Enoverso mirehistro og 1,616 pinfalls human sa walo ka duwa nga serye aron sakmiton ang titulo.
Si Vivian Padawan maoy mipahiluna sa ikaduhang dapit uban ang 1,602 pins ug gisundan kini ni Arthur Tapaya sa sa iyang 1,518. Mikapyot sa ikaupat ug ikalimang puwesto mao sila si Bede Ilano (1,515) ug Clyde Tan (1,506).
Naglangkob sa top 12 mao sila si Clifford Tan (1,495), Aui Padawan (1,461), Wilbert Yu(1,441,), Juan Arceo (1,403), Egay Alquiza (1,376), Ed Aninon (1,331) ug Christopher Garcia (1,181). (BANAT NEWS)
- Latest
