Aninon, Tan abante sa BTA-Prima Battle of the Best
CEBU, Philippines — Sila si Ed Aninon ug Clifford Tan maoy mikumpleto sa listahan niadtong mga mokumbati sa 2018 Bowlingplex Tenpin Association (BTA)-Prima Battle of the Best nga gikatakda sunod bulan diha sa Gaisano Bowlingplex sa Barangay Banilad, dakbayan sa Sugbu.
Kini human ilang gidominar ang katapusang monthly finals. Gitapos ni Aninon ang unom ka duwa nga serye bitbit ang iskor nga 1,213 pinfalls aron angkonon ang unang puwesto, samtang si Tan maoy mipahiluna sa ikaduhang dapit uban ang 1, 143 pins.
Si Vivian Padawan, nga kwalipikado nang daan human gibira ang titulo sa Septiyembre, maoy nabutang sa ikatulong puwesto ug gisundan kini nilang Clyde Tan (1,140) ug Dory Enoveso (1,119).
Naglangkob sa top 10 mao sila si Boy Co (1,112), Bel Suelto (1,095), Clarence Tiu (1,093), Wilbert Yu (1,071) ug Luke Bolongan (1,060). (BANAT NEWS)
- Latest
