Travis, Harris: Iisa lang ang gusto
Laro sa Dec. 5(MOA Arena, Pasay City)
7 p.m. Magnolia vs Alaska (Game 1, Finals)
MANILA, Philippines — Noon ay tinulungan ni import Romeo Travis ang Alaska na makapaglaro sa championship series ng 2015 PBA Governor’s Cup.
Ngunit sa kanilang best-of-seven titular showdown ni reinforcement Arizona Reid at ng San Miguel Beermen ay nawalis si Travis at ang Aces sa 4-0.
Ngayong taon ay muling nakapasok sa PBA Finals ng season-ending conference si Travis sa pagsusuot ng uniporme ng Magnolia sa kanilang pagsagupa sa Alaska.
Malakas ang laban ng 33-anyos na si Travis, ang kababata at high school teammate ni NBA superstar LeBron James ng Los Angeles Lakers sa Akron, Ohio, para sa PBA Best Import award kaagaw si Mike Harris ng Aces.
“I honestly don’t care about that award. I just want to win a championship,” giit ng 6-foot-5 na si Travis na muling babanderahan ang Magnolia sa pagharap sa Alaska sa Game 1 ng PBA Finals sa Disyembre 5 sa MOA Arena sa Pasay City.
Ang 35-anyos na si Harris, isang NBA veteran, ang tatapikin ni coach Alex Compton para pigilin si Travis sa kanilang championship wars.
“This isn’t about Mike/Romeo. Championships are way more important,” wika ni Harris, tinulungan ang Alaska na patalsikin ang Meralco sa kanilang sariling semifinals duel.
Bukod sa labanan sa loob ng court ay magtatagisan din ng diskarte sina Compton at mentor Chito Victolero sa bench.
“Para sa amin, it’s putting the best of what we can on the floor and see where it takes us,” sabi ni Compton, gumiya sa Aces sa huli nitong kampeonato noong 2013 PBA Commissioner’s Cup sa likod ni import Robert Dozier.
- Latest
