Manila, GenSan umiskor sa MPBL
Laro Bukas (Sabado)(Hoops Dome, Cebu)
7 p.m. Imus vs San Juan
9 p.m. Cebu City vs Laguna
MANILA, Philippines — Humataw si Chris Bitoon ng career-high 26 puntos at 11 rebounds upang iangat ang Manila Stars sa 76-71 panalo laban sa Quezon City Capitals habang nagwagi naman ang Gen. Santos Warriors kontra sa Rizal Crusaders, 65-58 sa pagpapatuloy ng 2018 Maharlika Pilipinas Basketball League (MPBL) Datu Cup noong Miyerkules ng gabi sa JCSGO Seed Dome sa Quezon City.
Bukod kay Bitoon, tumulong din ng 25 puntos, siyam na rebounds at dalawang assists si Reil Cervantes at 13 puntos at dalawang rebounds mula kay Kyles Lao upang masungkit ang kanilang ika-12th panalo sa 14 laro at manatili sa ikalawang puwesto sa Northern Division sa likuran ng nangungunang Bataan Risers (12-1).
Umarangkada ang dating St. Clare point-guard na si Bitoon ng 10 puntos sa ika-apat na yugto para makuha ang kalamangan, 73-71 mula sa 16-point deficit, 35-51 sa third period.
Ang QC Capitals na pinangunahan ni Peejay Barua sa kanyang 19 puntos at apat na rebounds ay bumaba sa 3-8 slate para sa pang-12th na puwesto sa Northern group.
Sa iba pang laro, umani si Leomer Losentes ng 26 puntos, tatlong rebounds at apat na assists para palawakin ang standing ng GenSan Warriors sa 6-7 card sa Southern Division.
Tumulong din ng 11 puntos, pitong rebounds, dalawang assists at dalawang steals si John Orbeta upang ibaon ang Rizal Crusaders sa ilalim ng standing sa South group sa 4-11 card.
- Latest