Island hot wings nakigsawo sa liderato sa FYA season 22 Pastrano's Chicharon Cup

CEBU, Philippines — Upat ka koponan ang nagsawo na karon sa liderato, apan pabiling misteryoso kun kinsa kanila ang makaangkon sa no. 1 spot 

sa FYA Basketball Tournament (Season 22) Pastrano's Special Chicharon Cup 2018.

Kini human midaog ang Island Hot Wings ni team owner Atty. Grace Bactol batok sa Baran Brothers ni Tiny Baran, 88-75 niadtong Domingo diha sa Atillo gym sa Labangon, Dakbayan sa Sugbo.

Ang Island Hot Wings nagbitbit og 4-2 nga baraha uban sa defending champion Harold's Hotel, Angel Mary Pawnshop ug Z&G Pro Audio.

Si Christian 'Hot Shot' Laud maoy topscorer sa Island Hot Wings nga miposa og 23 puntos, milangkat og siyam ka rebounds ug  mitunol og pito ka assists nga igo na kaayo alang kaniya aron mahimong 'best player of the game'.

Ang Island Hot Wings nga maoy nikontrolar sa duwa gikan sa pagsugod nakakuha sab og igong suporta nilang Kuala Sy, Daniel Enriquez ug Neil Arias nga nagtampohay og 10 puntos.

Si Zedo Arreglo mao sab ang nangu sa Baran Brothers pinaagi sa iyang 21 puntos, gisundan nilang Milfred Sampelo ug Jovito Tabares sa ilang 17 ug 16 puntos.

Sa laing aksiyon, buhi pa ang paglaum sa Yoyi's Pastries & Desserts alang sa sunod nga hugna human ilang gilubong ang CRV, 94-88.

Miduslit og 26 puntos si Bakang  'The Spark' Aglipa  aron pangulohan Yoyi's Pastries nga adunay 3-3 record. Nakakuha sab siya og walo ka rebounds ug pito ka assists aron ilhon nga 'best player of the game.'

Nakaabay sab og dako sa kadaogan si Reyboy Caballes nga mihaling og 18 puntos, Wennie Mata nga adunay 15 puntos ug Julz Aglipa sa iyang 12 puntos.

Ang CRV nga adunay 1-5 nga baraha, gipangulohan ni Marvin Ankla nga mikamada og 20 puntos, gisundan nilang Emman Reubal ug Kier dela Peña  nga miariya og 16 puntos matag usa.

PUNTOS MATAG USA

Unang duwa:

ISLAND Hot Wings (88) – Laud 23, Sy 10, E. Enriquez 10, Arias 10, Patalita 8, V.A Ensong 7, J. Flores 6,  J. Arreglo 4, G. 

Noquillo 4, Baltonado 4, E. Noquillo 2.

BARAN Brothers (75) – Z. Arreglo 21, Sampelo 17, J. Tabares 16, D. Tabares 8, Villarosa 7, E. Arreglo 3, Reyes 3.

Ikaduhang duwa:

YOYI's Pastries (94) – B. Aglipa 26, Caballes 18, Mata 15, J. Aglipa 12, Balingcasag 9, Salvador 6, Hanginon 6, S. Enriquez 2.

CRV (78) – Ancla 20, Reubal 16, Dela Peña 16, Demol 8, Silvano 8, Lumagbas 6, Tabaña 4.