LABA Sinulog Cup 2019 buksan karong biyernes
CEBU, Philippines — Maihap na lang ang adlaw, sugdan na ang LABA Sinulog Cup 2019 karong Biyernes sa gabii diha sa Co Tiao King gym sa Barangay Tabok, Dakbayan sa Mandaue.
Dose ka teams ang mopakita'g aksiyon sa maong liga ubos sa pagdumala sa presidente niining si S/Insp Dondon Coloscos.
Kini mao ang AC Troopers, Alcover, Monterroyo, Quiñahan, Buenavista, Solita, Sebandal, Velasco, Ecot, Casili, Villalon ug Limosnero.
Ang maong mga koponan moduwa og single round robin format sa elimination diin ang top two teams awtomatik nga moabante sa semifinals.
Samtang ang No. 3 team moharong sa No. 6 team ug ang No. 4 makiglahugay sa No. 5 sa quarterfinals.
Ang modaog sa duwa tali sa No. 3 ug No. 6 moabante sa semifinal diin ilang sangkaon ang No. 2, samtang ang modaog sa No. 4 ug No. 5 makigsangka sa No. 1.
Ang makasungasong maoy mag-abot sa tagakay nga kampiyonato, samtang ang mga pildero magsangka na lang alang sa ikatulong puwesto.
Gawas ni S/Insp Coloscos, laing pang mga opisyales sa LABA mao sila si Engr. Tony Alcover (VP-Internal), Richard Jordan (VP-External), Wendell Oquias (secretary), Roy Ermac (treasurer) ug Engr. Roel Tayag (admin officer). (BANAT NEWS)
- Latest