Makoto misakmit inter-company title sa Aboitiz Cup
CEBU, Philippines — Ang Team Makoto miposte og 2-0 nga daog batok sa Leylam FC aron sakmiton ang Inter-company title sa 20th Aboitiz Football Cup niadtong weekend didto sa PAREF-Springdale field.
Gumikan niini, gipakgang sa Makoto ang tulo nila ka sagunson nga pilde batok sa Leylam.
Si Yves Cabellero maoy unang naka-goal sa Makoyo sa ika-15 nga minutos sa wala pa kandadohi ni Ren Okuda ang ilang daog sa nahibilin nga 17 minutos sa duwa.
Gipasidunggan si Okuda nga Most Valuable Player, samtang si Cabellero maoy mibira sa Golden Boot award.
Lain pang duha ka Makoto players ang gibayaw sa bantawan sa kadungganan. Si Limbar 'Ipang' Baunsit maoy Best Defender, samtang si Imran Hussain maoy Best Goalkeeper. (BANAT NEWS)
- Latest