Pacquiao tatalunin si Broner--Vargas
MANILA, Philippines — Sino pa ang mas mabuting tanungin tungkol sa bakbakan nina Manny Pacquiao at ckundi ang boksingerong kanilang parehong nakalaban.
Pinanigan ni Jessie Vargas, ang dating World Boxing Organization welterweight titlist, si Pacquiao kesa kay Broner na magtutuos sa Enero 19 sa Las Vegas, Nevada.
“Pacquiao-Broner? I think Pacquiao takes it,” opinyon ni Vargas, naisuko ang suot na WBO welterweight crown kay Pacquiao via unanimous decision noong 2016 sa Thomas & Mack Center sa Las Vegas.
Nakipag-draw naman si Vargas kay Broner noong nakaraang Abril sa pagbabalik sa boxing ring ng Mexican-American.
Bagama't 10 taon ang tanda ng 39-anyos na si Pacquiao ay kinampihan pa rin ni Vargas ang Filipino world eight-division champion laban sa 29-anyos na si Broner.
“I think he’s the more experienced fighter of the two. I’d have to say Pacquiao takes it,” wika ni Vargas. “Who hits harder? I’d say Pacquiao is the stronger fighter and faster and more explosive.”
Ayon pa kay Vargas, hindi maaaring ikumpara ang istilo nina Pacquiao at Broner.
Subalit mas mabilis si Pacquiao kumpara kay Broner.
“It’s two different styles. When it comes to defensive, they’re both good, they’re defensive, Pacquiao’s just faster in everything he does,” ani Vargas na natikman ang bangis ni 'Pacman' dalawang taon na ang nakakaraan.
Napatumba ni Pacquiao si Vargas sa second round patungo sa unanimous decision victory ng Senador.
“Manny Pacquiao is on another level because he’s fast, explosive, he’s very versatile and he fights with different angles, you know,” dagdag ni Vargas.
- Latest
