Magnolia sa game 1

Laro Ngayon(Ynares Center, Antipolo City)

6:30 p.m. Alaska vs Meralco

MANILA, Philippines — Determinado ang Magnolia na wakasan ang kanilang seven-game lo-sing slump laban sa nagdedepensang Barangay Ginebra.

Ipinakita ito nina import Romeo Travis at combo guard Paul Lee matapos banderahan ang Hotshots sa 106-98 panalo sa Game One ng kanilang semifinals series para sa 2018 PBA Governor’s Cup kagabi sa Ynares Center sa Antipolo City.

Napanatili ng Magnolia ang kanilang porma sa kabila ng pagbangon ng Ginebra mula sa 13-point deficit sa pagbungad ng fourth quarter at makadikit sa huling apat na minuto ng laro para kunin ang 1-0 bentahe sa best-of-five semifinals showdown nila.

Kinuha ng Hotshots ang 89-76 abante sa pagsilip ng final canto hanggang makalapit ang Gin Kings sa 91-93 agwat sa likod nina import Justin Brownlee, Japeth Aguilar, Jeff Chan at Kevin Ferrer sa huling 4:48 minuto ng labanan.

Huling naghamon ang Ginebra sa 93-95 buhat sa tirada ni Aguilar bago nagbida sina Travis at Lee para iposte ang 10-point advantage, 106-96 sa natitirang 56 segundo.

Samantala, hindi makapaniwala si coach Norman Black sa nagawa ng kanyang Meralco team.

Halos hindi na binigyan ng tsansang makapasok sa quarterfinal round, anim na sunod na panalo ang ipinoste ng Bolts para itakda ang kanilang best-of-five semifinals series ng Alaska Aces para sa 2018 PBA Governor's Cup.

“What a hill we climbed to get into this point,” sabi ni Black. “It’s almost like every game for the last three weeks have been pressure-laden. There was really no room for error as far as our execution on offense and defense.”

Dalawang beses tina­lo ng No. 7 Meralco ang may bitbit na 'twice-to-beat' advantage na No. 2 Phoenix, 90-74 at 108-103 (overtime) para itakda ang kanilang semifinals showdown ng Alaska.

Magtutuos ang Bolts at Aces sa Game One nga­yong alas-6:30 ng gabi sa Ynares Center sa Antipolo City.