Standhardinger nasakitan sa sayonilang pagkatagak SA PBa Governors Cup
CEBU, Philippines — Mikompisal si Fil-German Christian Standhardinger sa San Miguel Beermen nga nagsakit iyang dughan sa sayo nilang pagkatagak sa playoffs sa PBA Governors Cup.
Ang 6-foot-8 nga si Standhardinger maoy leading scorer ug rebounder sa San Miguel ilabi na niadtong mga duwa nila nga wala pa si JuneMar Fajardo, apan nakawang ang tanan human sila mataktak sa playoffs.
Hinuon, si Standhardinger misaad nga mobanat og maayo uban sa Gilas Pilipinas nga makigsangka batok Kazakhstan karong Nobiyembre 30 sa laing hugna sa 2019 FIBA World Cup qualifiers didto sa Mall of Asia Arena.
"Obviously, my body needs the break but the country called so in one month, I still have to be ready and in shape. I can’t rest yet," matud pa ni Standhardinger sa Spin.ph.
Si Standhardinger maoy nag-unang kandidato sa karera alang sa Best Player of the Conference, apan wala na niya kini panumbalinga tungod kay ang PBA title iyang gusto. Hinuon mas mahimong tam-is ang tuig niya sa basketbol kun makatabang siya sa kalampusan sa Gilas.
Gawas sa Kazakhstan, si Standhardinger moduwa usab batok Iran karong Disyembre 3.
- Latest