Curry wala pa hibaw-i kanus-a mobalik OG duwa sa Warriors
CEBU, Philippines — Wala pa mahibaw-i kun kanus-a moduwa og balik si Golden State Warriors superstar Stephen Curry human kini makaangkon og injury sa katapusan nilang duwa batok Milwaukee Bucks niadtong Biyernes.
Si Curry giingon nga nakahiagum og injury sa may bugan nga iyang nakuha atol sa usa ka play sa third quarter batok Bucks. Sa maong duwa, ang Warriors napilde sa iskor nga 111-134.
Si Warriors coach Steve Kerr miangkon nga nabalaka siya tungod kay nagsakit ang injury ni Curry ug naglisud usab kini paglakaw hinungdan nga ipaubos kini nila sa makuting eksaminasyon.
Si Curry nga mi-average og dul-an 30 puntos karon nga season dili una paduwaon sa Warriors ug ipuli sa iyang dapit ang veteran nga si Shawn Livingston isip starting guard.
- Latest