1st CLBA-Union galvasteel basketball sugdan karon
CEBU, Philippines – Kapugngan pa'y baha nungka ang pagbukas sa 1st Consolacion Liloan Basketball Association (CLBA) karong gabii diha sa GT Academy gym sa Tayud, Lilo-an.
Napulo'g unom ka teams ang mosalmot torneyo nga gibahin ngadto sa duha ka bracket.
Naglangkob sa bracket A mao ang multi-titled E&F Surplus uban sa Union Galvasteel, Aboitiz ACI, Greebdale, St. Augustine, Gladiator, Sniper ug Pilapilan.
Ang bracket B pangulohan sa two-time defending champion 4Nichols Farm, J&J Surplus, Victorious Eagle, Syria's Kandingan, RJ Store, Savannah Bakery, Calubian ug Jentec Storage Corp.
Tulo ka duwa ang masaksihan karon diin unang magsangka ang multi-titled E&F Surplus batok sa St. Augustine sa alas-7 sa gabii, sundan sa duwa tali sa J&J Surplus ug Aboitiz sa alas-8 sa gabii ug dayon ang duwa sa Joeric Team batok sa Savannah Bakery sa alas-9.
Matud pa ni league commissioner Fury Trazona nga ang liga mosubay og single round robin format sa elimination diin ang top four teams matag bracket makabaton og 'twice-to-beat' advantage sa sunod round.
Gipasiugdahan ni CLBA president Arnold Labustro, ang liga gipaluyohan sa Union Galvasteel.
- Latest