Blatche nadismaya wala apila sa Gilas
CEBU, Philippines – Naglibog ug gibati'g gamay'ng kadismaya si ex-NBA center Andray Blatche gumikan kay wala siya giapil ni coach Yeng Guiao sa Final 12 sa Gilas Pilipinas nga moduwa sa 2019 FIBA World Cup qualifiers.
Si Blatche, ang naturalized player sa Gilas sud pipila na nga katuigan, wala na gikuha sa Gilas line-up nga gipagawas sa miaging adlaw.
Naapil sa line-up sa sa Gilas mao sila si Jayson Castro, Paul Lee, Stanley Pringle, Alex Cabagnot, LA Tenorio, Matthew Wright, Marcio Lassiter, Scottie Thompson, Gabe Norwood, Troy Rosario, Arwind Santos, Japeth Aguilar, Greg Slaughter, JuneMar Fajardo, Beau Belga, Poy Erram, Ian Sangalang, Christian Standhardinger ug cadets nga sila si Ricci Rivero ug Kai Sotto.
"Lost and confused," mubo nga pamahayag ni Blatche sa iyang social media sa iyang komento nga wala maapil sa line-up.
Ang maong line-up gitawag sa Samahang Basketbol ng Pilipinas nga 'Best Lineup' nga naporma sa kasaysayan sa national team.
Ang Gilas moharong sa Kazakhstan karong Nobiyembre 30 didto sa MOA Arena sa dili pa ang ilang 'rematch' batok Iran sa Disyembre 3.
- Latest