Castro naghinamhinam na moduwa sa Team Pilipinas
CEBU, Philippines – Andam na si Jayson Castro nga moduwa sa Team Pilipinas batok sa Kazakhstan sa 2019 FIBA World Cup qualifiers sa Nobiyembre 30.
Si Castro, kansang injury hapit na maayo, gitugtan nga makauban sa national team human siya miserbisyo sa iyang tulo ka duwa nga suspensiyon nga gipahamtang kaniya sa FIBA tungod sa pagkalambigit niya sa rambol atol sa ilang duwa batok Australia niadtong Hulyo.
Si Team Pilipinas coach Yeng Guiao nalipay sa maong balita ug gitug-an niya nga usa sa iyang damgo nga modala sa national team nga anaa ang giisip nga kanhi 'Best point guard in Asia' nga si Castro.
Hinuon, gitug-an ni Guiao nga sa pagkabalik ni Castro, kinahanglan siya mamili nila ni Alex Cabagnot, Paul Lee, Scottie Thompson ug Stanley Pringle nga maoy mahibilin isip back-up sa veteran point guard.
- Latest
