Crawford mihagit ni Pacquiao
CEBU, Philippines — Sa talagsaon nga higayon, gihagit sa way pildeng welterweight champion nga si Terence Crawford (34-0 5KOs) si Manny Pacquiao nga magbugno sila ibabaw sa ring.
Ang duha ka bangiitang mga boksidor unang gisabong duha ka tuig na ang milabay sa dihang pareho pa silang ubos sa poder sa Top Rank ni Bob Arum.
Apan ang away wala pa gyud mahitabo hangtud karon ug ang duha matinahuron kanunay sa usag-usa.
Nausab na hinoon ang haros sa hangin karon gumikan kay si Crawford na mismo ang mitawag sa pangan ni Pacquiao nga iya pang gipikhan pinaagi sa social media.
“@mannypacquiao you said I was scared of you? Stop it you and I both know that you didn’t want to fight me that’s why you fought Jeff Horn. I had to go behind you and clean up what you couldn’t do because you thought it was sweet and take the easy route you forgot,” paghot pa ni Crawford sa iyang Twitter.
Wala pa hinooy kaseguroan kon mahitabo ba gyud ang ilang engkuwentro sa umaabot gumikan sa duha ka rason.
Una, dili na sila pareho og promoter ug ikaduha, si Pacquiao gikatakda nga mo-away sunod batok ni Adrien Broner sa Enero sunod tuig didto sa Amerika.
Gawas niini, milutaw sab ang posibleng rematch nilang Floyd Mayweather nga seguradong makahatag ni Pacquiao og makabungog nga sapi sa talisaop nga bahin sa iyang karera. (BANAT NEWS)
- Latest
