Upat ka teams buk-anay baraha sa FYA Season 22
CEBU, Philippines — Magbinuk-anay sa ilang baraha ang upat ka teams sa pagpadayon sa aksiyon sa FYA Basketball Tournament Season 22 Pastrano's Special Chicharon Cup 2018 karong adlawa diha sa Vicente Sotto gym sa Punta Princesa, Dakbayan sa Sugbo.
Sa unang duwa nga gikatakda sa alas-9 sa buntag, mag-abot ang defending champion Harold's Hotel ni Arnel Trinidad ug Angel Mary Pawnshop ni McLain Alkuino.
Ang Harold's Hotel magsalig gihapon sa abilidad nilang Bornong Endrina, Bao Arches, Nene Billiones. Kinahanglan sab nga mosuporta sa opensa silang Edgemar Jumantoc, Baeng Medalle, Becking Rollon ug Jade Ursal aron makuha nila ang daog.
Apan dili angay mokompiyansa ang Harold's Hotel ngadto sa Angel Mary Pawnshop aduna sab kini tang-ang players sama nilang McLain Alkuino, Val Ramirez ug Jim Rara.
Sa main game, mag-engkuwentro ang Ejay & Ejean Sportswear ni Noel Medalle ug Yoyi's Pastries & Dessert ni Ahlmark Albarracin sa alas-10:30 sa buntag.
Sila si Jas Sydiongco ug Toper Marata gilauman nga mangulo sa opensiba sa Ejay & Ejean uban nilang Noel Medalle ug Juvineil Enriquez.
Ang Yoyi's Pastries magsandig sab nilang Jao Rabadon, Reyboy Caballes ug Ahlmark Albarracin.
Ang upat ka koponan parehong nagbitbit og 1-1 nga baraha ug ang ilang kadaogan karon maghatag kanila og 2-1 win-loss records ug temporaryong magsawo sa ikaduhang dapit sa standing.
- Latest