Warriors, Celtics wagi sa season opener
OAKLAND, Calif -- Bago ang kanilang season opener ay tinanggap muna ng Golden State Warriors ang championship ring.
“I love who we are, game 1 of 82,” sabi ni Kevin Durant. “Just keep grinding.”
Pinatumba ng Warriors ang Oklahoma City Thunder, 108-100, tampok ang 32 points ni Stephen Curry mula sa 11-of-20 fieldgoal shooting.
Nagdagdag si Durant ng 27 markers buhat sa kanyang 9-for-21 clip para sa Golden State.
Pinamunuan naman ni Paul George ang Oklahoma City, naglaro nang wala si injured guard Russell Westbrook, mula sa kanyang 27 points kasunod ang 21 markers ni guard Dennis Schroder.
Sa Boston, tumipa si guard Jayson Tatum ng 23 points at 9 rebounds para banderahan ang 105-87 panalo ng Celtics kontra sa Philadelphia 76ers.
Nakahugot ang Celtics kay Gordon Hayward ng 10 points mula sa malamyang 4-of-12 fieldgoal shooting para sa una niyang regular season game matapos ang left ankle injury sa nakaraang season opener kontra sa Cleveland Cavaliers.
- Latest