No. 1 seat sa Final Four asam ng Lyceum at San Beda
MANILA, Philippines — Pag-aagawan ng nagdedepensang San Beda at Lyceum of the Philippines University ang top seeding sa Final Four sa 94th NCAA men’s basketball tournament.
Maghaharap ang Red Lions at Pirates ngayong alas-4 ng hapon sa Filoil Flying V Center sa San Juan City.
May 15-1 record ang San Beda kasunod ang Lyceum (15-2) at ang mananalo ang pipitas sa No. 1 spot sa Final Four.
Sakaling talunin ng Red Lions ang Pirates ay awtomatiko nilang makakamit ang top seeding anuman ang maging resulta ng kanilang final elimination round game sa Perpetual Help Altas sa Martes.
Tinalo ng Lyceum ang San Beda, 73-66, sa first round.
“It’s going to be a big opportunity for us to learn and to grow as a team because they have a huge program, it’s going to be good fight with so much competition and respect as well,” sabi ni Pirates coach Topex Robinson.
- Latest