Ancajas, Rungvisai fight gitakda sa Pebrero sunod tuig

CEBU, Philippines — Gikatakda sa Pebrero sunod tuig ang unification bout tali ni IBF super flyweight champion Jerwin Ancajas ug Thai star Srisaket So Rungvisai.

Mao kini ang gipahibalo ni international matchmaker ug handler ni Ancajas nga si Sean Gibbons.

Si Gibbons nga miuban ni Ancajas og  tan-aw sa title defense ni Rungvisai didto sa Thailand, nagkanayon nga makigtigom siya sa Thai manager nga si Thanchai Pisitwuttinan aron plansahon ang maong sangka.

Matud ni Gibbons nga hayag na ang unification bout nila ni Ancajas ug WBC champ Rungvisai ug adto kini ipahigayon sa Estados Unidos.

Ang modaog nilang Ancajas ug  Rungvisai dako'g purohan nga makigsangka sa Mehikanong si Juan Francisco Estrada. (BANAT NEWS)