LeBron ang dangpanan
CEBU, Philippines – Sukad sa pagretiro ni Kobe Bryant niadtong 2016, ang Los Angeles Lakers aduna na karo'y masaligang player nga maoy ilang hatagan sa bola sa mga sikit nga duwa sa sunod season sa NBA nga sugdan sunod bulan.
Si Lakers coach Luke Walton nagkanayon nga kompleto sa mga scorers ug shooters iyang koponan, apan lahi ra gihapon kun si LeBron ang hatagan nila sa bola ug maoy motapos sa duwa.
"When you get to the end of a game, that is what max players make max money for, that is what they do," matud pa ni Walton sa ESPN5.
"I can comfortably say that LeBron will be our first option at the end of ballgames if it's close."
Human miretiro si Bryant, ang Lakers nakabaton lang og usa ka daog pinaagi sa buzzer-beater sa kanhi nila point guard nga si D'Angelo Russell niadtong Abril 2017.
Ang Lakers nga mitapos sa miaging season uban ang 35 ka daog pakyas pagdaog sa sikit nga mga duwa bisan pa sa presensiya sa mga tirador nga sila si Brandon Ingram, Kyle Kuzma, Kentavious Caldwell-Pope ug Isaiah Thomas.
- Latest